Dermed basta!

Eg er på beina igjen etter nokre dagar med det som for tida heiter "influensalignende symptomer". Og kva ser eg? Stemmeskandale i Grand Prix! Eg hugsar eg lurte litt på kvifor Norge plutseleg skulle lese opp stemmene heilt til slutt, men det var liksom ikkje tida til å ta den diskusjonen der og då heller, og sidan har eg ikkje tenkt så mykje over det. Men altså var det stemmeskandale.

Dagbladet tek ansvar og skriv ei sak om nettopp dette, sjølvsagt med kommentarfelt til. Denne tråden likte eg ganske godt. Førstemann meiner tilsynelatande at heile Europa har konspirert i Alexander Rybak sin favør. Nummer to har ikkje lese saka, men vil gjerne uttale seg om korrupte naboar i aust. Nestemann prøver tilsynelatande å oppklare (men tør eg lese mellom linjene at vedkommande svidde av nokre femmarar sjølv?). Og avslutningskommentaren er ubetaleleg.























(Det går an å klikke på biletet viss du er langsynt...)